5 გზა მომხმარებლის კეთილგანწყობის მოსაპოვებლად

12/06/2015

5 გზა მომხმარებლის კეთილგანწყობის მოსაპოვებლადსაიდუმლოს არ წარმოადგენს, რომ მომხმარებელი უპირატესობას კარგ სერვისს ანიჭებს. არ აქვს მნიშვნელობა რამდენად ინოვაციურ, თუ ექსკლუზიურ პროდუქტს წარადგენთ ბაზარზე. თუ მიმწოდებელი არასათანადოდ ეპყრობა კლიენტს,  მომხმარებელი ყოველთვის იპოვის რაიმე საშუალებას,  რომ ჩაანაცვლოს თქვენ მიერ შეთავაზებული პროდუქტი და აღარ ისარგებლოს თქვენი მომსახურებით.

ძველი მომხმარებლის შენარჩუნება ისეთივე მნიშვნელოვანი უნდა იყოს თქვენთვის, როგორც სხვა საკვანძო საკითხები.

ქვემოთ შეგიძლიათ იხილოთ რამოდენიმე ხერხი, თუ როგორ შეინარჩუნოთ  მომხმარებლები და გახადოთ ისინი ლოიალურები, თქვენთან თანამშრომლობის პროცესში, მინიმალური დანახარჯებითა და ძალისხმევით.

1. პროდუქციის ხარისხი – ნუ გააფუჭებთ ხარისხს და ამ კუთხით ნუ გადაუხვევთ არსებული კურსიდან. გახსოვდეთ, რომ მომხმარებელი იმიტომ მოდის თქვენთან რომ მისი ხარისხი მოსწონს. არც არაადეკვატურად გაზარდოთ ფასი, გახსოვდეთ, რომ შემცვლელი ყოველთვის მოიძებნება.

2. გაიხადეთ მომხმარებელი თქვენს პრიორიტეტად – მოახდინეთ  სერვისის ინტეგრაცია თქვენი ბიზნესის ყოველ ასპექტში. მიუთითეთ თქვენს თანამშრომლებს ინდივიდუალურად მიუდგნენ ყოველ კლიენტს და საჭიროების შემთხვევაში იზრუნონ პრობლემების მომხმარებლის სასარგებლოდ გადაჭრაზე. გახსოვდეთ, რომ ერთი კეთილგანწყობილი მყიდველი ათი ახალი მომხმარებლის გარანტიაა.

3. წარმოიდგინეთ საკუთარი თავი მომხმარებლის ადგილას – რა თქმა უნდა თქვენ არ მიგიძღვით ბრალი იმაში, თუ უამინდობის გამო გადაზიდვის პრობლემები იქმნება და პროდუქტი აგვიანებს, მაგრამ მომხმარებელმა იცის ერთი, თქვენ ვერ შეასრულეთ დანაპირები.  ხანგრძლივი ახსნა-განმარტებების ნაცვლად, დაიწყეთ გამოსავლის ძიება. რაც უფრო დიდ ხანს იმყოფებით ლოდინის რეჟიმში, მით უფრო მწვავდება პრობლემა.

4. შეინარჩუნეთ სიმშვიდე – თუ მომხმარებელი აღშფოთებულია ან გაბრაზებული, შესაძლოა თქვენში თავდაცვის ინსტიქტი ამუშავდეს და  სიტუაციის განმუხტვის ნაცვლად საპასუხოდ შეურაცხყოფა მიაყენოთ მას. ყურადღებით მოუსმინეთ მისი უკმაყოფილების გამომწვევ მიზეზებს, გადახედეთ ფაქტებს და მომხმარებელი დაარწმუნეთ, რომ რომ გესმით რა არის მისი შეშფოთების საბაბი.

არ ხართ ვალდებული ამ შემთხვევაში დაეთანხმოთ ყოველ მომხმარებელს, მაგრამ ყოველთვის მაქსიმალურად შეეცადეთ  სიტუაციის გამოსწორება.

5. აიღეთ პასუხისმგებლობა – თუ თქვენმა თანამშრომელმა შეცდომა დაუშვა, აღიარეთ იგი. ნუ მოატყუებთ მომხმარებელს. გაანალიზეთ მომხდარი და მოიხადეთ გულწრფელი ბოდიში. „ბოდიშს გიხდით“- ეს არის ძალიან მარტივი, მაგრამ უნიკალური ფრაზა, რომელიც მრავალი პრობლემის გადაჭრაში დაგეხმარებათ.

წყარო

თეონა თავდიშვილი